[albanur]

Sekretarja amerikane e Shtetit, Hillary Clinton, ka mohuar se do të përpiqet të ushtrojë presion mbi Indinë që të përmirësojë marrëdhëniet me Pakistanin fqinj.

Duke folur në Bombej në fillim të një vizite treditore, zonja Clinton tha se SHBA-ja e respektonte të drejtën sovrane të Indisë për të marrë vendimet e veta.
Megjithatë, ajo tha se marrëdhënie me të mira mes vendeve fqinje mund ta ndihmonin Pakistanin që të përqëndronte vëmëndjen në luftën kundër Al Kaedës.

Thirrje për Pakistanin
Në një opinion të botuar nga e përditshmja vendase, India Times, zonja Clinton tha se "ne duhet të inkurajojmë" Pakistanin, teksa përballet me ekstremizmin e dhunshëm.
Por gjatë një konference për shtyp ajo u duk se i bëri thirrje të drejtëpërdrejtë Pakistanit që të bënte më shumë.
"Qeveria jonë është e angazhuar në luftën kundër terrorizmit dhe ne presim që çdokush, me të cilin kemi marrëdhënie, të parandalojë terrorzimin që të hedh rrënjë në tokën e tyre dhe të sigurohet se terroristët të mos stërviten dhe dislokohen".
Pakistani e ka pranuar se sulmet në Bombej vitin e kaluar, ishin planifikuar në tokën e tij.
Zonja Clinton po qëndron në hotelin Taj Mahal që ishte në shënjestër të sulmeve.
Në fillim të vizitës, ajo la një shënim në librin e ngushëllimeve dhe u takua me menaxherin e hotelit, i cili humbi familjen e tij gjatë sulmeve.

Ju mund të regjistroheni të postoni komentete e juaja duke klikuar KETU dhe ky regjistrim, pervec në Forum, do ju mundëson t'i shfrytezoni edhe sherbimet tjera që ofron AlbaNur për shqiptaret në Internet!

Nese keni problem me Regjistrimin, ju mund t'i shihni video incizimet tona duke klikuar KETU!