[albanur]

“Tingulli 3”-“Tingulli i trent”

“Kohëve të fundit e kemi ndryshuar emrin, domethënë tani e tutje është “Tingulli i trent”. Si grup deri më tani kemi shëtitur në shumë vende të Evropës, normalisht aty ku ka më shumë shqiptarë dhe çdo herë jemi munduar të ja ofrojmë publikut atë që e kanë kërkuar nga ne.”-thotë për “Lajm” anëtari i grupit “Tingulli i tent”, Getoar Selimi.

Grupi “Tingulli 3” kohëve të fundit e kanë ndryshuar emrin e tyre në “Tingulli i trent”. Ky grup si “Tingulli 3” ka funksionuar shumë kohë para luftës në Kosovë. Albumi i tyre i parë ka dalë në shitje pas luftës së Kosovës.

“Kemi qenë tre vetë edhe një vajzë me ne po ajo ka arritur ta realizojë vetëm një këngë. Emri i grupit ka ngelë i njejtë pasi që kemi qenë të angazhuar më tepër me punë dhe nuk kemi menduar shumë për emër. Kohëve të fundit e kemi ndryshuar emrin, domethënë tani e tutje është “Tingulli i trent”.”-thotë anëtari i “Tingullit të trent”, Getoar Selimi.

Sipas tij ky grup tani më ka filluar me punë në albumin e tyre të katërt që pritet të përfundojë kah fundi i vitit. Ata kryesisht punojnë me Bawa Records, në albumin e grupit “Skills”, “Viagra”, “MC Mimo” dhe “Caos”, po përfundimisht janë në mbarimin e albumit të grupit “The skills”.

Sa ju përket koncerteve, Selimi thotë se kanë shetitur në shumë vende të Evropës, aty ku ka më shumë shqiptarë dhe çdo herë janë munduar të ja ofrojnë publikut atë që e kanë kërkuar nga ata.

“Kemi pasur biseda disa vite me radhë për një koncert në Maqedoni e sidomos në Tetovë se aty kemi shumë adhurues. Ndoshta kam kënduar në shumë vende që është dashur të jenë pas këndimit në Maqedoni, por, kjo është edhe puna jonë, nëse nuk kemi ftesë që një gjë e tillë mund të realizohet atëherë nuk kemi asgjë.”- thotë për “Lajm” Getoar Selimi.

Ai thotë se së shpejti pronari i restorantit “Golden eye” do ta hapë diskotekën e re në Tetovë e cila është në përfundim e sipër, ku sigurisht se të rinjët përveç argëtimit do të mund ti njohin edhe për së afërmi yjet e estradës shqiptare.