[albanur]

Tim Shkupi: Alo, këtu Tim Shkupi nga Londra…

Adelina Ismaili: Tung Tim Shkupi…

Tim Shkupi: Tung Adelina dhe si jeni?

Adelina Ismaili: Mirë shumë, por ju?

Tim Shkupi: Edhe ne mirë… Por ne jemi të interesuar që të zhvillojmë një bisedë të lirë përmes telefonit për visitorët e web faqes shqiptare AlbaNur.Net. A keni kohë për këtë dhe a mund të vazhdojmë bisedën më tutje?

Adelina Ismaili: Po, po… patjetër, mundet dhe vetëm urdhëro…

Tim Shkupi: Flm për mirëkuptimin Adelina dhe për kohën që po e ndani për neve. Kemi dëgjuar se para disa muajve gjyshja e juaj u shperngul ne Ahiret, ndaj në fillim shfrytëzoj rastin të ju shprehi ngushllime juve dhe familjes suaj, kurse për gjyshen e juaj e lusë Allahun ta ketë nën mbrotjen e tij.

Adelina Ismaili: Amin, ja rabi… dhe flm shumë nga ana e juaj për këtë fillim shumë të njerzishëm…

Tim Shkupi: Kur Adelina Ismaili mungon në skenë dhe nuk është aktive, gjithçka flitet, spekulohet, kështu që shumë pak flitet e verteta rreth Adelinës. A pajtoheni ju me këtë?

Adelina Ismaili: Ashtu është. Po jetojmë në kohën e të pavërtetave dhe devijimeve. Jemi mësuar me sende të këtilla. Mungesa ime në skenë ka qenë për shkak të respektit tim të madh që kam pasur për gjyshen. Ajo ka qenë shumë e afertë me mua dhe unë shumë e përkushtuar ndaj saj. Kam dashur që këtë respekt ta tregoj duke respektuar traditat tona fetare, që ne i kultivojmë dhe i ruajmë në familje.

Tim Shkupi: Do të thotë kjo ka qenë arsyeja pse Adelina Ismaili na ka munguar disa muaj…

Adelina Ismaili: Po, vetëm kjo, arsye tjetër nuk ka pasur. Kam anuluar shumë koncerte dhe xhirime për mediat e ndryshme në Kosovë.

Tim Shkupi: Do të thotë spekulimet e gazetës “Shekulli” për mungesën e juaj nuk janë të vërteta..

Adelina Ismaili: Jo aspak…

Tim Shkupi: Kemi dëgjuar se ke reaguar ashpër kundër gazetës “Shkeulli” për shkak të pavertetave që kjo gazetë i dha për abstenimin e juaj…

Adelina Ismaili: Po, kam reaguar, por reagimin tim gazeta “Shekulli” nuk e ka botuar. Ata në Tiranë i dijne arsyet se përse nuk e kanë botuar, sikurse i dijnë edhe motivet e tyre kur shkruajnë të pavërteta në lidhje me mua. Abstenimi im nga skena ka qenë për shkak të shkaqeve që i përmenda më lartë. Siç thash, kam pasur respekt për gjyshën. E kam dashur fortë dhe kam qenë e përkushtuar ndaj saj, pasi ajo vet ka qenë e fortë, i ka përballuar të këqijat që i kanë ndodhur asaj gjatë luftës së dytë kur çetnikët serb ja kanë pushkatuar babën me disa anëtarë tjerë të familjes. Ajo ka qenë shembulli më i mirë për mua se si t’i përballojë edhe unë të këqijat e vogla të jetës, të karrierës sime, të jem më i fortë dhe gjithnjë krenare përballë hipokritëve, matrapazëve dhe të gjithë atyre që sot po i bëjnë dëm shqoqërisë shqiptare me sjellejet e tyre te vrazhda. Mua askush nuk mund të më ndal, të më largon nga skena, ose përmes shpifjeve t’i prishin raportet e mia me adheruesit e mi shqiptarë qe i kam kudo në tokat shqiptare dhe diaspore..

Tim Shkupi: Ka pasur Adelina probleme në jetë apo jo?

Adelina Ismaili: Tim Shupi nuk ka njeri pa probleme. Problemet janë pjesë e jetës, por varet se çfarë natyre problemet i kanë njerëzit. Kurse problemet e mia janë më tepër shkak i xhelozisë, i përgojimeve, ndërkëmbëzave dhe ndonjëherë kanë qenë edhe sulme direkte kundër personalitetit tim dhe të gjitha këto pa dëshirën time kanë përcjelle karrierën time gjatë këtyre 20 vjetëve. Prej kur jam në skene kam mësuar shume sende, kam njohur shumë njerëz. Të mirë dhe të këqinj. Por unë kam mbet ajo që jam sot.

Tim Shkupi: A është e vërtetë se Adelina ka pasur lidhje me njerez të nëntokës, me grupe të ndryshme që kontrollojne bizneset e argëtimit në Kosovë…

Adelina Ismaili: Aspak nuk është e vërtetë se unë Adelina kam pasur lidhje të këtilla. Përkundrazi. Unë kam pasur vetëm probleme nga këto grupe. Por, për këto gjëra mund të flasim ndonjëherë tjetër, kur çdo e vërtetë të zbardhet nga organet ligjvënëse në Kosovë.


Tim Shkupi: Mos qenka bërë Adelina politikane…

Adelina Ismaili: Jo, jo… unë dhe politika jemi larg, por ky është realiteti qe ne sot po e perjetojmë në Kosovë. Këtë realitet e përjetojmë edhe ne këngetarët, sepse edhe ne jemi pjesë e Kosovës, pjesë e qytetarëve të saj. Ndërsa ky realitet i hidhur ka efekt negativ edhe në fushat e krijimtarisë artistike në Kosovë, përfshirë këtu edhe muzikën.

Tim Shkupi: Pasi erdhëm te muzika… A ka politikë në tekstet e këngëve të Adelina Ismailit?

Adelina Ismaili: Në tekstet e këngëve të mia ka gjithçka, kështu edhe politika nuk bën përjashtim.

Tim Shkupi: Në shumë forume nëpër internet, flitet se Adelina Ismaili është rugoviste…

Adelina Ismaili: Po ta ndërpres Tim Shkupi… Babin e kam nga Ferizaji, nënën dukagjinase, vet kam lindur në Prishtine (hahahahha). Nuk jam me origjinë nga Rugova. Nëse me pyet për afeksionin tim politik, atëhere po. Mund të them që kam qenë, jam dhe do të jem ithtare e doktrinës së Ibrahim Rugovës. Nuk e ndërroj qimen kah fryen era. Ishim dikur të gjithë, nuk mund ta mohojme. Sepse shumë gjëra do t’i ndriqojë koha, historia. Por kjo assesi nuk do të thotë që unë kam diçka kundër njerëzve të luftës. Kurrë! Mendoni se u çmenda unë që të jem kundër ushtrisë se popullit tim?!Unë kam kënduar për ta kur askush nuk ka guxuar t’i permend! Kam rrezikuar jetën, por ishte kënaqësi që të ndjesh veten pjesë e ushtrisë e cila po lind për të mbrojtur jetërat tona. Fale tyre në jetojmë sot. Si do të guxoja une t’i kundërvihem faktit që dikush u sakrifikua për të jetuar e kënduar sot unë?! Jo. E di që të gjithë kanë një synim që i bashkon, pavarësinë e Kosovës, e cila do na bëjë jetën normale të gjithë neve. Une jam kundër matrapazëve që përfituan materialisht nga lufta. Dhe do të jem gjithmonë kundër. Pra, mos paragjykoni. Duhet shikuar pak më thellë gjërat. Nuk jam kundër asnjë shqiptari të vërtetë. Larg asaj. Por nuk kam dashur të bëj zhurmë për këto gjëra atëherë kur ishte në trend që të përfitosh nga lufta.Tash është koha kur dua të dihen gjërat për mua. Kam respektuar presidentin e pare të Kosovës, sikur një milion shqiptarë që mbuluan Prishtinen kur nderroi jetë presidenti Ibrahim Rugova. Sikur të gjithë partitë që e nderuan. Nuk jam kundër shqiptarisë. Sepse nuk ishte as ai.Dhe këtë e dijnë kryetarët e të gjitha partive shqiptare. Do të flasin vet, do të flasë koha, historia...

Tim Shkupi: Mire, mire, por kënga për Rugovën…

Adelina Ismaili: Jo, jo… kënga është “do ta bëj ushtrin time”…

Tim Shkupi: por me kend, me Ibrahim Rugovën…

Adelina Ismaili: edhe një herë Tim Shkupi po ta ndërpresë, kur e kam kënduar këngën “Do ta bëj ushtrine time” ka qenë viti 1996, një kohë tjetër, një fillim tjetër, fillimi i krismave të para të ushtarëve të lirisë, ushtarëve të UCK-së. Merre këngën time me një kontekst tjetër. Në refrenin tjetër, “nuk duhrohet më kështu”. Kujtoje performanceën time në video spote me pantollona të ushtrisë, me fanellë të kuqe dhe shqiponjë. Nuk kam qenë e veshur me shallë dhe kravatë. Nuk ka qenë lehtë për mua në atë kohë, ka qenë vështirë, por në çdo vështirësi ekziston një lehtësi dhe lehtësia ime ka qenë mesazhi i dhënë përmes këngës në përkrahje të organizimit ushtarak të shqiptarëve në Kosovë.

Tim Shkupi: A do të thotë kjo se Adelina nuk ka qenë e ngjyrosur me ngjyra partiake, nuk i ka takuar asnjë partie, rryme…

Adelina Ismaili: Jo, jo, nuk i kam takuar asnjë partie. Unë nuk kam kënduar për parti, kam kënduar për ushtri. Kam kënduar për dëshmorë. Kam marr pjesë në koncerte të ndryshme për ta ndihmuar Kosovën, per t’i ndihmuar ushtarët. Ftesat e këtilla, mendoj per solidarizim, bashkim dhe vepra humane, i mirëpres nga gjithsecili, nga çdo parti. Adheruesit e mi nuk janë të një partie, por edhe nuk i shikoj dhe as që i ndaj në këtë mënyrë. Ata janë shqiptarë dhe për mua të gjithë janë të njëjtë. Unë kam respekt të madh për adheruesit e mi që janë nga të gjitha tokat shqiptare.

Tim Shkupi: Kemi dëgjuar se keni qene organizatore e koncertit për “Ramush Haradinaj” dhe në bazë të informacioneve që u dhanë në media ky koncert nuk realizojë parashikimet e organizatorit…

Adelina Ismaili: Kam qenë iniciatore dhe ideatore për organizimin e një koncerti të tillë. Organizatore artistike, nëse guxoj të them. Kam ndihmuar dhe kam ndikuar te këngetarët tjerë, te disa kolegë që të jenë të pranishëm në këtë koncert. Mendoj se ja kemi borxh jo vetëm Ramushit, por edhe të gjithë atyre që luftuan për Kosovë. Unë mendoj se paku kështu. Ndërsa sa i përket organizimit të këtij koncerti, edhe unë mendoj se ka qenë i dobët në aspektin teknik. Por kjo është totalisht e parëndesishme. E rëndesishme është që kjo iniciativë u nis. Le të dijë e gjithë bota, dhe më së shumti fqinjtë tonë të rajonit se çka jemi në gjendje të bëjmë ne për njerëzit e medhenj të Kosovës. Aty jemi unik të gjithë. Unë i falenderoj nga zemra kolegët e mi. Në kohën kur Arif Vladi vilte të holla nga kosovarët duke u thirrur në emra të dëshmorëve, unë me qellim i kam ikur asaj gjëje. Tash, mu tash është koha të mos i harrojmë njerezit që u sakrifikuan për të jetuar ne. Me qëllim jam vonuar që të bëj gjëra të këtilla, për të treguar se as unë as ne nuk guxojmë të harrojmë kurrë gjakun e derdhur për Kosovë. Miku i mirë njihet në ditë të vështira.

Tim Shkupi: Ka kohë qe ne kemi disa faqe në internet që mirren me performanceën dhe muzikën e juaj. Nga adheruesit e juaj ne kemi mësuar se Adelina Ismaili është këngëtarja më e popullarizuar dhe më e kërkuar në internet, qoftë edhe atëherë kur Adelina nuk është në skenë, adheruesit e juaj presin të dijnë diçka më tepër për ju. Atyre thuajse ju intereson gjithçka rreth Adelinës, duke filluar nga muzika, performanca, jeta private e saj dhe gjithcka që është e lidhur per Adelina Ismaili? A keni pasur njohuri për këto adherues apo më tepër jeni marr me ata që nga xhelozia ju bojkotojnë dhe shpifin rreth jush?

Adelina Ismaili: Tregova që kohën e fundit nuk jam marrur me asgjë përveç me tragjedinë familjare e cila na ka goditur. Dhe isha e gatshme të tërhiqem nga këndimi.Unë shume here kam paralajmeruar tërhekjen time. Më bëhet qejfi që qenkam më e dashura (hahaha). Adhuruesit të cilët vizitojnë edhe derën time të shtëpisë, letrat e tyre dhe fletoret e mbushura me shkrime adhurimi e foto, fëmijë të vegjël të cilët shkëputen nga duart e nënave të tyre për të vrapuar të me përqafojnë, pleq me plis të cilët në Kosovë më dhurojnë lule për 8 mars në rrugë, më bënë që të më mbushen sytë lot dhe të mendoj seriozisht se a guxoj une t’i zhgënjej të gjithë këta njerëz? Bisedat me dajen tim ishin vendimtare. Amaneti i gjyshes që mos ta ndal këndimin ishte vula e cila më bëri të kthehem në skenë. Hera e parë ishte vërtetë e vështirë dhe pak para se të dilja, doja ta anuloja. Nuk më lejuan duartrokitjet. Nuk është lehtë të jesh këngatar, por ka atë magjinë e vet e cila nuk përshkruhet. Unë e di që çdo njeri në botë do të dëshironte popullaritetin dhe përjetimin e kësaj magjie së paku 15 minuta në jetë.Unë po e përjetoj me dekada. Ky është shkaku edhe i xhelozisë së sëmurë të personave të caktuar të cilët e mundojne shpirtin e tyre, e sakrifikojnë kohen e tyre duke u marrur me mua. Por, ata njerëz nuk mund të depërtojnë në jetën time. Thjesht, nuk ekzistojnë hahahaha. Për mua është e rendësishme buzëqeshja dhe kënaqesia e atyre që më shikojnë e dëgjojnë. Rriskun të cilin ma ka dhënë Allahu, insani nuk mund të ma marrë. Kjo është definitive. Nuk mund t’i kënaq të gjithë. Këtë nuk munden ta bëjnë as Jezu Krishti, as Pejgamberi Muhamet a.s. Cmenduria njerëzore arrinë në atë masë saqë konteston edhe Zotin. E çka, tash unë të merrem me njerëz të "lodhur" psiqikisht, a? Jo ore, i dua ata që më dojnë hahahahahahhahahahahha.