[albanur]

FINANSAT FAJTORE PER MOSFUNKSIONIM TE ROCK GRUPEVE

Shkup, Grupet shqiptare dita ditës po shtohen. Rock grupet e njohura si „Cute Babulja“, „Porno“, „Gjurmët“ etj. janë vetëm disa nga grupet që kanë arritur që përmes muzikës rock, muzikë kjo që nuk preferohet edhe aq shumë nga masa e gjërë, parapseprap të depërtojnë dhe të bëhen të njohur me tingujt e këngëve të tyre. Disa nga muzikologët arësyen e pauzës së grupeve të formuara dhe që më pas kanë pauzuar ose larguar fare nga skena dhe muzika, e shohin në financat dhe në mungesën e vullnetit të vetë këngëtarëve.

„Mundësia për të realizuar videoklipe e dini se është e vështirë. Një videoklip është shumë i shtrenjtë, ndërsa grupet rock kanë shumë pak përfitime pasi që nuk i ndëgjon masa më e madhe e popullatës.“-thotë për gitaristi i grupit „Armadillo Blus Bend“, Muhamet Veseli.

Finansat janë problemi edhe sipas këngëtarit të njohur, Petrit Saraçini.

“Të holla, vetëm të holla duhet të kemi. Finansat janë kryesorja, e dyta është angazhimi nga ana e këngëtarëve. Vetëm ashtu bendet mund të kenë sukses.”-thotë këngëtari, Petrit Saraçini.

Rock këngëtari nga Kosova, B.B.Poqi, i cili tani më 20 vite krijon muzikën rock mendon se grupet nuk vazhdojnë me krijime dhe këngë të reja, pasi që nuk kanë vullnet të madh dhe dëshpërohen shumë shpejtë.

„Nuk është masa popullore ajo që dëgjon rock dhe prandaj grupet e reja demoralizohen shumë shpejt. Unë mendoj se nëse tani muzika rock nuk vlerësohet si duhet, kjo do të shpërblehet pas vitesh të tëra. Unë në skenë jam gjatë dhe kjo ndodh jo se kam nevojë të dukem në ekranet televizive por se kam dëshirë të motivoj grupe të reja.“-thotë B.B.Poqi.

Ai mendon se grupi „Cute Babulja“ nuk kanë probleme financiare.

Arësyen për mosfunksionimin e disa grupeve e gjen tek financat edhe bateristi i rock grupit “Ata”nga Shkupi, Veton Kodra, i cili mohon mosegzistimin e këtij grupi.

„Problemi i vetëm është se nuk kemi vend për ushtrime. Është e vërtetë se mjetet financiare e humbin vullnetin dhe dëshirën tek të gjithë e sidomos deri tek grupet e reja. Ka pasur momente kur jemi dëshpëruar shumë, mirëpo nuk jemi dorëzuar, kemi punuar maksimalisht.“-thotëKodra.

Simbas tij arësyeja se pse grupet e reja e sidomos ato të muzikës rock nuk vazhdojnë me këndim është sepse muzika komerciale është në trend dhe se rocku vërtet është lënë shumë anësh.