[albanur]

Elita 5 me vetëm një nominim në “Video Fest”


Organizatori i “Video Festit” na ka diskredituar para opinionit!

Më 25 prill të këtij viti, në sallën e Teatrit Kombëtar në Prishtinë u organizua “Video Festi Muzikorë” i cili këtë vit shënoi tre vjetorin e organizimit të tij, nën udhëheqjen e biznesmenit Prishtinas Eroll Belegut. Nga të gjitha nominimet atë natë dukshëm u dallua mungesa e grupit që tani më 15 vite me rradhë kultivon muzikën rock, Elita 5 të cilët pasi që kuptuan se ishin të nominuar vetëm në një kategori, lëshuan sallën duke u ndier se nuk ka pasur vend për atë grup në atë manifestim.

20Documents/ALBAWEB/ALBAFASHION/muzika_shqip/music_shqip_files/elita_5_tetova.jpg[/IMG]“Pse nuk kishte nominime për regji, për montazh, stajling, fotografi, grafik apo edhe më i miri në të gjitha komponenta? Vallë ia ka bërë këtë pyetje vetëvetes organizatori apo ai e din mirë çka do të thotë “Video fest” por thjeshtë pse mos të tallet me punën tonë dhe të të diskreditoj para opinionit!”-reagon grupi Elita 5.

Grupi Elita 5 çdo herë ka qenë mysafir nderi në shumë manifestime me karakter botëror ku është dashur të prezentohet muzika shqiptare, ky grup është I vetmi grup që ka pasur nderin të bëjë muzikë me Skorpionsat , koncerte që sigurisht se çdo kush I ka ende të freskëta në memorjet e tyre, këtu vlen të theksohet edhe koncerti në ROYAL ALBERT HALL në Londër dhe koncerti I organizuar në Gjenevë para OKB-së për të drejtat e të huajve në këtë shtet.

Për “Video Festin” e këtij viti Elita 5 thotë se këtë radhë nominimet dhe shpërblime ishin bërë nga ekspertë muzikorë të cilët pa fijen e turpit u kanë bërë nderë njerëzve të tyre qofshin të familjes, miqëve apo shoqërisë, duke mos çarë kokën për ata grupe dhe njerëz të cilët kanë dhënë jetën e tyre vetëm e vetëm të servojnë muzikë të mirfilltë dhe që pas tyre kanë shumë shpërblime, shumë këngë, shumë albume dhe videoklipe.

“Në këtë “Video fest” të gjithë ishin të barabartë, edhe ai me një kënge edhe ai me një dekadë apo dy dekada pune, edhe ai me klip katasrofal edhe ai me klip professional, edhe ai që asnjëherë nuk ka kënduar LIVE edhe ai qe tërë jetën këndon LIVE.”- thotë Elita 5.

Sido që të ishte manifestimi ,grupi Elita 5 ftesës i është përgjegjur pozitivisht dhe e nderuan organizatorin me prezencën e tyre, mirëpo ata pyeten “sa ai na nderoi neve?”. Natën kur kanë shkuar në Prishtinë grupi Elita 5 nuk ka pasur garderobë ku të vishen, nuk kanë qenë të vendosur në asnjë hotel edhe pse kanë udhëtuar enkas nga Tetova.

“A thua vallë ne duhet të dalim nga lëkura jonë dhe t’u njoftojmë për të gjitha sukseset që I kemi arritur dhe atëherë të na nominoni në më shumë kategori e jo të marrim ndonjë çmim sa për gjynah të cilin e projekton aty për aty organizatori pasi që e kuptoi se paska gabuar shumë. E për atë çmim mendojmë se ne nuk jemi. I qoftë falë atij.”-përfundon Elita 5.