[albanur]

Paradox…


…është kur shkolla e re pa oxhaqe, ndërtohet në mes të malit, ( në Krasaliq të Skënderajt) me ngrohje qendrore. D.m.th janë lisat, s`janë oxhaqet, janë radiatorët, s`është nafta.

Nxënësit (duke u dridhur) nga dritaret e klasave shikojnë lisat dhe rrugën mos po u vjen nafta nga shtetet arabe.

xxx

…është kur firma më e njohur publike ( në Kosovë) PTK nuk i shlyen borxhet ndaj KEK-ut, kurse KEK-u ia këput rrymën invalidit të luftës ( në Polac) për 50 euro borxh.

E po nuk ka hajgare, ose duhet të kesh shumë borxh, ose ta këputin.

xxx

…është kur punëtorët e komunës ( në Skënderaj ) mërdhijnë nga të ftohtit në mungesë të rrymës, kurse pronari i pompës së benzinës nuk iu jep më naftë pa i shlyer ( komuna ) borxhet e mëhershme.

Askush nuk i ka faj komunës, është dashur të mendojnë edhe ata për vete, ta kenë edhe një pompë benzine, a po bëhet nami a?

xxx


…është kur një shoqatë (humanitare) në Kosovë reagon ( mirë që reagon) kundër vrasjes së qenve endacak ( edhepse paraqesin rrezik për njerëzit), kurse askush nuk reagon kundër territ disamuajsh në 50 fshatra të Drenicës.

E po nuk e kanë thënë kot të moçmit “I ngiti t`untit nuk ia beson” dhe se këtu është fjala për njerëz dhe qen. Mbase po të lihej në terr ndonjë azil i qenve edhe do të reagonin.


xxx


…është kur protestohet një muaj ditë për nivelizim të pagave, kurse në fund qeveria i mashtron me nga 3-4 euro dhe as ato nuk ua jep.

Kush u ka faj mësimdhënësve që bijnë pre e asaj thënies “përqaj e sundo” dhe e prishin grevën.


xxx

…është kur një udhëheqës i Kosovës ankohet se nuk ka të ardhura aq të larta, kurse në qendër të Prishtinës ngrit pallat shumkatësh.

E po për të tillët “Të gjithë janë të njëjtë para ligjit” është vetëm një frazë boshe. Prandaj URRAAAAA, OOOOO BURRAAAAAA, kush kujt po ia kalon me hajni.


Edhe Ju vizitorë të albanur-it mund të jepni mendimet e juaja rreth kësaj teme, apo fjale.

Me kënaqësi i pres komentet e Juaja.

Ju përshëndet Halil Xani