[albanur]

Shkruan: Dibran Fylli


Klinë, më 20 prill 2007

Karvani i Shkrimtarëve për Fëmijë – festa e librit që i gëzoi edhe të vegjlit

Në Klinë, në sallën e Pallatit të Kulturës, ashtu si në mbar trojet ku jetojnë shqiptaret, këtë muaj do të udhëtoi Karvani i Shkrimtarëve për fëmijë. Ky Karvan, sivjet ishte në përbërje të poetëve më të spikatur për fëmijë, Agim Deva, kryesues, Gani Xhafolli, Shefqete Gosalci dhe Jonuz Fetahu.
Kësaj feste të bukur i parapriu një program artistik me recitime dhe me valle të përgatitura enkas për Karvanin, nga Klubi Letrar “Elena Gjika” e shkollës fillore “Motrat Qiriazi” të Klinës nën udhëheqjen e drejtoreshës Angjelina Kryeziu, e cila edhe e shpalli të hapur manifestimin tradicional.

“Deri me tash, Karvani i ka vizituar mbi 700 vende. Aty ku ka fëmijë shqiptar, aty është dhe do të jenë Karvani i Shkrimtarëve për Fëmijë”, spikati në fjalën e tij kryesuesi i Karvanit, poeti i njohur për fëmijë Agim Deva, i cili pas fjalëve të ëmbla e me plot pietizëm, recitoi disa nga poezitë e veta për fëmijë, me ç edhe u shpërblye me duartrokitje nga të pranishmit në sallën e Pallatit të kulturës “Jehona e Dukagjinit”.

Pas tij, fjalën e mori poetesha Shefqete Gosalci, ish pjesëtare e UÇK-së, e cila i recitoi disa nga poezitë e veta duke përjetuar emocione, sepse edhe poezitë e saja ishin plot me emocione. Ajo poezitë e veta ia kishte kushtuar vuajtjeve të fëmijëve që përjetuan gjatë kohës së luftës.

Duke e nderuar festen e librit dhe të fjalës së shkruar artistike, recituan edhe shkrimtar e artist klinas si Gjon Gjergjaj, Hysni Raci e Ismet Krasniqi.

Në fund të këtij manifestimi tradicional, fjalën e shkruar e recitoi i mirënjohuri Gani Xhafolli, i cili me plot emocione dhe krejtësisht në mënyrë spontane filloi aktrimin e tij duke shëtitur në mesin e publikut. Ai gjatë kësaj kohe aktronte duke recituar poezitë e veta nga më të mirat që i kishte shkruar për fëmijë.

Festa tradicionale e Karvanit të Shkrimtarëve për Fëmijë, u përmbyll me këngën “Thërret Prizreni mori Shkodër”, të cilën aq bukur dhe me një zë mahnitës e këndoi poetesha Shefqete Gosalci.

E pergatiti: Regjisori: Dibran Fylli