[albanur]

Shkruan: Dibran Fylli



Ministri po !
Ministra po !
Kriminalitet sa me rru dreqi !?
/mendimi i prangosur/ Dubravë, më 22.02.2006

MINISTRIT AQ TË PËRFOLURA

Fjalë sa të duash, rend,qetësi, siguri, rehati, drejtësi as gjë kund !?

Këto ministri sikur duhej t’i tregonin fundin korrupsionit, krimit, trafikimit e pse jo edhe t’ua zbuloj fytyrat e korruptorëve, kriminelëve, trafikantëve, qofshin ata edhe nëpër zyrat e tyre, por këto gjëra do të ndodhin vetëm atëherë kur “institucionet tona” do të pastroheshin nga tipa njerëzish që sundojnë mbi ligjin. Këto dy Ministri, ishte dashur të udhëhiqeshin nga njerëz profesionist, nga ata që mirë e kuptojnë sistemin e sotshëm e jo nga politikuaj të “shkokërdhuar” të partive të sotshme politike që s’po bëjnë gjë tjetër veç se po e luajnë rolin e papagajve, duke na lodhur kokën me ato fjalët e tyre, pavarësi, standarde, decentralizim...
Politikanët iluzionist-ministrat e qeverisë aktuale, me metoda të çoroditura të këtij shekulli, po tregohen të suksesshëm në fushat e veprimit të planeve “A,B,C..”, dhe po shkojnë duke u shtuar kompetenca e germa tjera planeve të tyre vetëm për t’ia arritur qëllimit – përfitim personal, dhe si po duket puna, stacioni i tyre i fundit do të mbetet germa “ZH!?”, pastaj kur t’iu hargjohën të gjitha germat do të hutohen edhe më tepër sa do ta fillojnë ndonjë planë tjetër për ta mbajt Kosovën pezull, për ta mbajtur gjallë vetën e të tjerët si ata. Nëse shikohet nga plani ndërkombëtar, nga analiza e analistëve të njohur botëror dhe nga logjika e thjeshtë, Kosova është e pavarur dhe sovrane qysh nga Qershori i vitit 1999, veçse këtë s’ka kush ta udhëheq drejt një të ardhme të sigurt. Pra pavarësia e Kosovës është garantuar dhe është vulos me gjakun e mbi 2000 dëshmorëve të UÇK-së, me apo pa këto dy Ministri të shumë përfolura, me apo pa pëlqimin e shumicës në Parlament, me apo pa dëshirën e Këshillave Administrativ, e Marrëveshjeve..., e Qeverive të ndryshme me e pa kompetenca. Nëse do të funksiononte drejtësia, shumë gjëra do të ishin më ndryshe. Puna e drejtë dhe me përkushtim në këto fusha, me ekspert të duhur, do të tregonte edhe rezultate. Do të funksiononte rendi, qetësia, siguria do të ishte në nivelin e duhur e jo kështu siç jemi mësuar të dëgjojmë për vrasje enigmatike, vjedhje e plaçkitje në mes të ditës e shumë gjëra tjera të këqija që s’kanë ndodhur as në Perëndimin e egër!?...

ua përshkruaj një shembull që vlen të lexohet:

Periudha e Vidit në Shqipëri dhe ajo e pasluftës në Kosovë




Shpeshherë kuluareve flitet se historia jonë po na përsëritet dhe kjo s’thuhet kot! Nëntëdhjetë vjet më herët, pikërisht më 7 mars 1914, me vendim të fuqive të mëdha në Konferencën e Londrës, në krye të fronit shqiptar erdhi princi gjerman Vilhelm Vid. Dhe ngjarjet e shumta që u zhvilluan gjatë sundimit të tij në Shqipëri, në shumë segmente i përgjasojnë rrjedhave politike të pasluftës në Kosovë. Në vijim po i vëmë në spikamë disa sosh;
1. Asokohe Konferenca e Londrës - tani Këshilli i Sigurimit i OKB-së, Rezoluta 1244;
2. Asokohe Këshilli Ndërkombëtar i Kontrollit /KNK/ - tani Këshilli i Përkohshëm Administrativ /KPA/;
3. Asokohe Protokolli i Firencës – tani Marrveshja Tekniko-Ushtarake e Kumanovës;
4. Asokohe princi Vilhelm Vid – tani “princat” Kushner, Hakerup, Shtajner, Holker...;
5. Asokohe Qeveria e Përkohshme e Ismal Qemalit, “pleqësia e Durrësit” e E.Toptanit...- tani Qeveria e Përkohshme e Hashim Thaçit, Qeveria e Bujar Bukoshit;
6. Asokohe Statuti Organik i Shqipërisë – tani Korniza Kushtetuese e Kosovës;
7. Asokohe Protokolli i Koefuzit (Tomson-Karapano) – tani Marrveshja Hakerup-Qoviç, takimet Holker-Qoviq, Koshtunica...;
8. Asokohe lëshimet e princ Vidit (me izën e fuqive të mëdha) ndaj “Vorio-Epirit” në jug të Shqipërisë – tani lëshimet e Hakerupi e Holkerit (me izën e bashkësisë ndërkombëtare) në veri të Kosovës...;
9. Asokohe “Vorio-Epiri” (Gjirokastra, Himara...) – tani enklavat serbe (veriu i Mitrovicës, Graçanica...);
10. Asokohe Qeveria e pa kompetenca e Turhan Pashë Përmetit – tani Qeveria e pa kompetenca e Bajram Rexhepit...!!!