[albanur]

Shkruan: Dibran Fylli


Shkrim pak më ndryshe
Reagim ndaj shprehjeve fashiste të psikodeputetit Gani Buqinca në Kuvend

VETERANËT E UÇK-së DHE PROTESTAT E TYRE-OVL, SHIL dhe SHFD NË GJUMË TË THELLË DELEGATËT E KUVENDIT QESHARAK


Kërkesat e Veteranëve të Luftës të UÇK-së të cilët, për fat të keq janë të detyruar të i kërkojnë në formën jo bash të mirë, kërkesa që janë edhe të Invalidëve dhe të Familjeve të Dëshmorëve të Luftës të UÇK-së, ato duhet që sa më parë të miratohen dhe jo të premtohen sipas një tradite politiko kosovare të tipit “gënjeshtër unmikiane”, sepse kërkesat tona janë të drejta, të ligjshme dhe të vonuara tej mase. Këtu zotërinj të DEMO(N)KRACISË, mos prisni mrekullia. Nuk do të ketë tender, as tenderashë e as koncesione. Kjo zaten duhet aprovuar pa koncesion, është e drejtë e jona legjitime tash 10 vite.

-Unë edhe pse kam munguar fizikisht, jam përkrahës i këtyre protestave në formën më të mirë demokratike që i ka organizuar e do t’i organizojë KMDV-ja, Këshilli për Mbrojtjen e të Drejtave të Veteranëve të Luftës të UÇK-së, këshill ky që është i formuar nga pjesëtarët e UÇK-së, të cilët sot, bashkë me një pjesë të madhe të atyre që janë pjesë e lirisë se Kosovës po bredhin rrugëve, të pa punë, shumica të pa strehë mbi kokë dhe të anashkaluar nga shoqëria e këtij shekulli të mbrapsht. Anashkalimi ynë dhe shkelja mbi të drejtat tona ka filluar para shumë kohe; mos aprovimi i ligjit për mbrojtjen e vlerave të luftës të UÇK-së, hedhja në rezervë e pjesëtarëve të TMK-së-e atyre që ishin ushtar të UÇK-së (për hatër të unmikianëve), mospranimi i shumë e shumë pjesëtarëve të UÇK-së në FSK dhe pagesa qesharake e mundit të tyre 10 vjeçar (për hatër të ndonjë unmikiano eulekso serbi), mbetja e Veteranëve, Invalidëve dhe e Familjeve të Dëshmorëve të UÇK-së, tash 10 vite pa përkujdesje institucionale, pastaj parat që i marrin invalidët, shtrohet pyetja; Athua është pension apo asistencë sociale për Invalidët e UÇK-së?. Duke filluar nga kreu i Qeverisë dhe pothuajse nëpër të gjitha komunat i kemi “shokët tanë” në pushtet, të cilët as që po e qajnë kokën për ne, ata janë të përkushtuar pas koalicioneve. Gjaku i shokëve tonë Dëshmor dhe i yni ishin themeli i shtetit, të paktën kështu e thatë ju vet derisa e morët pushtetin; E tash ju, çka ?!...të na quani të pandërgjegjshëm, rrebel e fallangista !?, e vërtet është, asnjëherë për asnjë kërkesë nuk na keni thënë jo, por ato po mbetën vetëm premtime boshe dhe më pastaj pa pikë turpi, ktheheni dhe e kërkoni votën tonë dhe të familjarëve tonë. Kur vije puna të ndonjë vend pune, ndarje të ndonjë banese, shkollim profesional, pushime, vizita speciale luksoze etj, të parët janë “ekspertet partiak” që përfitojnë, pastaj matrapazët, tenderashët...derisa për ne as që mbetet për të na kujtuar se jemi të gjallë. Kështu e ka kur nuk të njihet me ligj e drejta e luftës !?

OVL, SHIL dhe SHFD si duket kanë rënë në gjumë të thellë. Ato duhet të ishin në përkrahje të vlerave të luftës së lavdishme të UÇK-së me vepra jo me fjalë të politikës e assesi në përkrahje të saj. Shoqatat e dala nga Lufta e UÇK-së duhet të ishin opozitë e fortë e politikës aktuale në kuptimin pozitiv, jo pjesë e saj, të mos lavdërojnë për arritje, mos të shajnë për dështime por të kritikojnë duke e ngritur zërin e fuqisë, sepse fuqia dhe drejtësia i ka rrënjët të liria e pjesë e saj jemi edhe ne. psh. Nëse çdo send që ndërtohet nëpër komuna të Kosovës jepet me koncesion, si Pallatet e kulturës, termocentrali Kosova e re, ndërtime e mbindërtime vend e pa vend, atëherë kësaj nuk i thonë zhvillim por shitblerje, pse të mos reagohet kundër këtyre dukurive që po e shkatërrojnë vendin tonë. KMDV-ja ka shumë të drejtë kur thotë se; Veteranëve, Invalidëve dhe Familjeve të Dëshmorëve duhet t’i njihet e drejta e luftës për liri, duhet ta kenë të zgjedhur çështjen e banimit, e jo me ne të luaj njëfarë KPA-ja e mallkuar e cila fund e krye është në favor të serbëve dhe të Serbisë, t’u zgjidhet çështja e punësimit, e shkollimit të fëmijëve të tyre, shkurt t’u sigurohet jetë normale si në gjithë vendet tjera ku ka pas luftë. Që edhe ne të ndihemi pjesë e kësaj shoqërie, sepse jemi pjesë e lirisë jemi pjesë e shtetit...

Kurse delegatet qesharak të Kuvendit në seancën e fundit po bënin shfaqje të turpit para opinionit të gjerë, shembulli i psikodelegatit Gani Buqinca i cili pa ose me vetëdije na quajti grup i pandërgjegjshëm e deri edhe fallangista. Unë do ti thosha atij të çmenduri se fallangist mund të quhet ai i cili strukavi bythët nëpër disko bare të Tiranës gjatë krejt kohës së luftës duke pritur që këta që ai po i quante fallangista t’ia çlirojnë Kosovën e ai më pas të kthehet pa therë në këmbë madje edhe të bëhet njëfarë psikodeputeti. Jo z. Gani, këtë të drejtë nuk e ke as ti e asnjë deputet tjetër që në emër të lirisë po merrni rroga dhe mëditje të majme. Kurse ata që ti i quajte pa pikë turpi fallangista po bredhin rrugëve të pa punë, disa pa strehë mbi kokë e disa nga ta edhe pa këto dyja edhe pa gjymtyrët e trupit që ju mbetën nëpër vijat e frontit derisa ti po ngrije dolli nëpër disko bare, tek e fundit njeriu që i ndërron partitë sikur lavirja klientët dhe kur zënë vend në një skutë përdorë terme të llojllojshme nuk mund të jetë gjë tjetër veçse një kokërr muti me shpirt të prishur prej fashisti.

Kurse ti z. Gjini, së pari u dashke të reagosh kundër atyre shprehjeve të paturpshme të kolegut tënd psikodelegat e më pas ta mbrosh liderin tënd partiak, sepse edhe ai e ka po të njëjtin epitet sikurse ata që po protestojnë për të drejtat e tyre të patjetërsueshme edhe pse është e vërtet se as Ramushi dhe asnjë lider tjetër partiak nuk qëndron pas këtyre protestuesve.

Fundi i fundit ne e dimë pse dhe çka kërkojmë. Nuk jemi fëmijë e as “fallangista” të Gani Buqincës. Jemi ata që i kemi tri epitete; Vetarn, Invalid dhe Familje Dëshmorësh.

I paturpshmi Gani Buqinca, nëse nuk kërkon falje publike për atë që pallamudite para Kuvendit të Kosovës ti do të mbetesh armiku më i madh i yni, emri yt do të shënohet në listën e atyre që çlirimtarët i quajtën “dorë e zgjatur e Serbisë”, si dhe do të mbetesh pronar i të gjithë atyre titujve të lartshënuar në këtë artikull.

krejt për fund: Të vritesh nga pushka e shkjaut, nuk donë të thotë se është kori, sepse është dashtë që të mos pajtohesh me te që të të vras, por të të vrasin shokët tu me pushkën e Adem Jasharit, kësaj nuk po iu gjendka qarja... e hajde ta shohim pra se ku do t’i dal tymi ?!.

Në vazhdim: (fakte për tendera dhe kush janë tenderashët? Cila ishte pasuria e disa pushtetarëve para zgjedhjeve dhe faktet për pasurinë e tyre tash? . Çka tha Gani Buqinca për luftën kur u takuam në Tiranë në vitin 1998?. Si dhe foto turli turli të tyre nëpër restorante, hotele e motele...)

Shkruan
dibran fylli, regjisor, invalid i luftës sw UÇK-sw
dhe i burgosur pas lufte