[albanur]

Faqja e Muhamed Jusufit


Shënim për Muhamed Jusufin - Kajolli

U lind më 12.03.1963 në Shkup. Rrjedh prej një familje atdhetare të dëshmuar që prej vitit 1913, kur dygjushi i tij Shabi Kaja (Kajolli) i I - rë me të birin e tij ekzekutohet nga serbët. Më 1918 vritet Jusufi, djali i Shabiut të I - rë. Më 1945 vritet Shabiu i II - të kurse më 1950 nga plagët e marra prej policisë ushtarake serbe, vdes Jusufi i II- të. Më 1999 në malësinë e Gjakovës, në Rasë të Kosharës vritet Shabiu i III – të, kurse Jusufi i III (që të dy vëllezër të Muhamedit) i shpëtoi kësaj katrahure të fundit. Në çdo luftë që është zhvilluar me serbët, kjo familje ka qenë aktive dhe ka dhënë për këtë vend nga 10 deri në 15 anëtarë të familjes.

Shkollën fillore Muhamedi e kreu në vendlindje, të mesmen në Prishtinë, kurse Fakultetin Filozofi- sociologji e kreu në Kairo, më 1989. Si student në Kairo, Muhamedi së bashku me shokët, në veçanti Zijanë dhe Dhulkarnejnin ishin shumë aktiv në informimin e opinionit egjiptian rreth ndodhive në Kosovë e Maqedoni.

Menjëherë pas diplomimit valët e detit e dërguan në New Yourk. Duke qenë se ishte i lidhur ngusht me atdheun, Muhamedi refuzon të qëndrojë atje, edhe pse iu dha mundësia që brenda gjashtë muajve të mer “green card” (qëndrim i përhershëm ne Amerikë). Pas Nju Jorkut u punësua në Bruksel si imam i Xhamisë shqiptare dhe njëherit si kryetar i Shoqatës Bamirëse “Sami Frashëri”. Kur u pyet pse erdhe në Bruksel e nuk qëndrove në Amerikë, ai u përgjigj- “Belgjika më duket më afër vendit tim”!

Pas dy vitesh aktivitet të bujshëm në Beneluks dhe Francë, në shtatorë të vitit 1991 Muhamedin e gjejmë si aktivist në bamirësi edhe në Tiranë, ku qëndroi gjer më 1999. Çfarë të solli në Shqipri u pyet edhe kësaj radhe. “Nuk di nëse është e sakt motoja e kohëve të fundit, sa më e fortë Shqipria më lehtë zgjidhet problemi kosovar”, shprehej Muhamedi. Gjatë aktivitetit të tij bamirës në Shqipëri u njoh me shumë atdhetarë të denjë të kauzës shqiptare. Në vitin 1997 Muhamedin e gjejmë si kryetarë të Fondacionit Bamirës “Kosova”, që u njoh në mbarë diasporën shqiptare në Evropë, Amerikë, Turqi e Australi.
Si anëtar në kryesinë e KMK (Këshilli i Mbrojtjes Kombëtare), Muhamedin gjatë luftës 1998 e gjejmë edhe si këshilltarë të ministrit në Ministrinë e Mbrojtjes të Kosovës me seli në Tiranë deri më 6 prill 1999.

Pas kthimit të tij në Kosovë, në vitin 2000, Muhamedi ishte Sekretarë organizativ në Partinë Qendra Liberale e Kosovës deri në shuarjen e saj, nëntor 2001. Në mars 2002 Muhamedin e gjejmë si Këshilltarë i Parë (Zëvendës ministër) në Ministrinë e Shëndetësisë, gjerë në mars të vitit 2003.
Tani Muhamedi është kryetar i shoqatës kuturore “Zëri Ynë” me seli në Prishtinë, është i martuar dhe ka katër fëmijë.


------------------------------------------

Ne ju lusim prej perpara të mos përdorni fjalë banale, të mos inatoheni, të mos shaheni, por të tregohemi se jemi të denjë qe t'i kuptojmë drejtë proceset demokratike në ndertimin e institucioneve tona dhe shtetit ligjor për qytetarët shqiptarë në trojet etnike Shqiptare!

Ju mund të regjistroheni të postoni komentete e juaja duke klikuar KETU dhe ky regjistrim, pervec në Forum, do ju mundëson t'i shfrytezoni edhe sherbimet tjera që ofron AlbaNur për shqiptaret në Internet!

Nese keni problem me Regjistrimin, ju mund t'i shihni video incizimet tona duke klikuar KETU!