[albanur]

Faqja e Mr Kadri Osmanit

Zotni Ismail Kadare, a mos jeni ca i vonuar për filozofime!?

/Trimëria pas luftës dhe mençuria pas kuvendit nuk vlejnë më. / fj. u. /





Nga Kadri Mani

“Kadare: Problemi i Kosovës, një problem i madh i lirisë...
/Zëri i Amerikës, e shtunë, 22-12-2007, 01:28pm (GMT)/


Ismail Kadare: Natyrisht, që problemi i Kosovës po shkon drejt zgjidhjes përfundimtare. Duhet të jetë njeriu i verbër, që mos e shikojë këtë gjë, ose që mos jetë normal që mos ta kuptojë. Problemi i Kosovës nuk ka qenë asnjëherë problem administrativ, politik, fetar, e aq më pak, çështje sentimentale, siç është paraqitur disa here. Ai ka qenë problem i madh i lirisë; liria është problemi numër një i çdo populli dhe problemi i Kosovës, mund të trajtohet edhe vetëm si i tillë, pra si problem vetëm i lirisë; dhe ai u trajtua si i tillë.”
Fort e nderuara zonja Laura Konda, çdo respekt për lajmet e Zërit të Amerikës, ku juve ju dëgjojmë e ju shohim me kënaqësi dhe me admirim,mirëpo kësaj radhe nuk ia keni qëlluar hiç: çka iu vyejtën “prognozat” e atij shkurtpamësi, kur dihet se pavarësia e Kosovës do të shpallet më 6 shkurt 2008, apo edhe më herët!?!
Nga politika shqiptare duhet të shlyhen disa emra: Abdi Baleta, Adem Demaçi, Ben e Kiço Blushi, Fatos Lubonja, Edi Rama, Husamedin Feri, Ilir Meta, Ismail Kadare, Maksi Velo, Milazim Krasniqi, Muhamet Pirraku, Neritan Ceka, Neshat Tozaj, Rexhep Qosja, Sadri Fetiu, Skënder Gjinushi... për shprehjen e dëshirës për të sjellë serbë në Tiranë, ca syresh edhe për shkak të përçarjes fetare... Ngase këta elementë me paraqitjet e veta skandaloze e kanë dëmtuar rëndë çështjen madhore shqiptare dhe po e tollovitin popullin pa nevojë e pa pikë përgjegjësie, as ndërgjegje, as niveli.
Kështu, Ismail Kadaresë, ia mundësuat që të dalë (e të kapardiset, krekoset, ngrefoset e kacagjelohet, si bibani!) me filozofime bajate: duhet të jetë njeriu i verbër të mos e shikojë këtë gjë, ama “këtë gjë”, sa për të parë, shohin: shtazët, shpezët dhe insektet!!! Ama aftësia e njeriut është jo vetëm me pa, por me parapa, apojo? Çfarë ka parapa i verbëri e qorri Ismail Kadare!?- ka parapa në halucinacione se: Dr. Ibrahim Rugova është i skaduar dhe duhet të shkojë në pension; shkrimet e shkrimtarëve kosovarë janë të ngarkuara me shovinizëm; serbët janë shumë të mirë dhe se do të shkruaj mirë për ta... dhe filozofimet e tij: “ose që mos jetë normal që mos ta kuptojë.”- që kur Kadare është bërë “normal” kur gjithë jetën e vet ka qenë- jonormal!? Dhe:” pra si problem vetëm i lirisë; dhe ai u trajtua si i tillë.”- nga kush u trajtua si i tillë?- mos, vallë, nga Ismail Kadare!?- nga shkurtëpamësi, i verbëri dhe qorri!?!
Që Ismail Kadare nuk është as shkrimtari më i madh siç e kanë trajtuar apologjetët dhe përlëkurësit, na e ka sqaruar bindshëm GjokëVata te libri i vet: “Vështrim mbi disa krijime të Kadaresë, Agollit, Migjenit”, botoi “CP, Camaj-Pipa”, Shkodër, 2006, f.331.:

“NËPUNËSI I PALLATIT TË ËNDRRAVE”- Ismail Kadare
F.493, r. 6: “Dera pushoi së krisuri”.

Dera nuk kërset, kërcëllitë sepse krizma përfshinë një gamë të gjënë zhurmash.

* * *

F.493, r. 35: “Në vestibulin e gjatë”.

Detyra e shkrimtarit âsht të pakësojë sa ma shumë të jetë e mundun fjalë të huaja, pra mund të thuhej mësore, në vend të “Vesibula”.

F.496, r. 9: “Shtati i tij për habinë e Ebuçerinit ishte mesatar”.

Përse të habitemi me njëshat mesata?- e kështu pambarim. F. 68.
Kurse te libri vet “SHKABA”, Kadare përdor rreth 20 (njëzetë) herë emrin- Barman!! Sikur të kishte zbuluar diçka fort të çmueshme dhe t’ia ngulit popullit në tru!! Për ngjashmëri, dikush mund ta përdor edhe- Barmane!!
Prandaj do t’i pyetnim me habi ata që morën mundin t’i studionin “fjalët e reja” të Kadaresë, vallë çka zbuluan!?!
Dhe le ta përfundojmë me një citat të Idriz Zeqirajt, 17 vjet në burg ose izolim nën regjimin e egër e brutal enverist:

“DËSHTON SISTEMI – DËSHTON PARTIA E SISTEMIT

Haraçi ideologjik, personalitete, Kadareja, Demokracia …

Kadareja në një bisedë për poezinë me studentët e mjekësisë, krahasoi letërsinë kosovare me atë të viteve `30 në Shqipëri. Ndërkohë që dihej dje dhe sot se poezia kosovare është në një stad më të lartë se sa ajo në shtetin amë. E kundërta mund të thuhet për prozën dhe dramën. Kur erdhën në Tiranë Ibrahim Rugova dhe Rexhep Ismaili, atëherë drejtues të gazetave studentore, donin t’i bënin një vizitë Kadaresë. Në bisedë e sipër u fola për hatërmin personal në Kadarenë, për dezinformimin e bërë. Djemtë kosovarë anuluan vizitën e planifikuar më parë.”