[albanur]

Albanian Wrestler Shaban Terstena

The most successful Albanian sport is free - style wrestling. The wrestler Shaban Terstena was a gold medallist at the 1984 Olympics in Los Angeles and also won the silver medal at Seoul Olympics in 1988. Terstena is the 1984 European champion, won the silver medals in 1983, 1985, 1986, and the bronze in 1982 and 1988. He holds the World Championship 1985 silver and 1982 bronze . Whenever he took part in the Mediterranean or Balkan Games, he was the wrestler to win the first place. He has been pronounced the Best Macedonian Athlete many times and once the best athlete in former Yugoslavia. In 2000 he has been also pronounced the best albanian athlete of the last century. He has won 715 matches out of 741 fights. He participated in 42 tournaments in the world winning 30 gold medals, the remainder being silver and bronze. At the Atlanta Olympic Games in 1996 he won the fifth place.


.

[Kujdestari]

Ekskluzive, Shaban Tërstena, krenaria e shqiptarëve

Shaban Tërstena (01.01.1965) është sportisti më i suksesshëm shqiptar, i cili ka arritur medaljen e artë në Lojërat Olimpike të vitit 1984 në Los Angeles të SHBA-ve, si dhe fitues i medaljes ë argjendtë në LO 1988 në Seul. Ai është kampion evropian i vitit 1984 dhe 1990, ka fituar medalje të argjendtë në vitin 1983, 1985, 1986 dhe të bronztë në vitin 1982 dhe 1988....
Ekskluzive, Shaban Tërstena, krenaria e shqiptarëve


Në një intervistë ekskluzive që mundësi i mirënjohur shqiptar me medalje të artë olimpike, Shaban Tërstena e ka dhënë për gazetën “Lajm” pas dhjetë viteve që nuk kishte pranuar të flasë më për media, ka sqaruat të gjitha rrethanat, rezultatet, kënaqësitë, misteret, obstruksionet, padrejtësitë, dëshpërimin që e ka kaluar gjatë karrierës së tij dhe më vonë. Ai tregon arsyet e vendosjes që të mos flasë për media, dëshpërimin nga rezultatet e sportistëve të tanishëm dhe mjerimin në të cilin janë lënë mundësit me suksese të mëdha.

Lajm: Si është fillimi i karrierës së juaj?
Shaban Tërstena: Kënaqësia e një sportisti është kur ai ka filluar me sportin që e dëshiron, kur ka nisur hapat e parë, me çfarë kushtesh ka punuar etj. Kënaqësia nuk ka qenë shumë e madhe me ato kushte, kur kemi parasysh fuqitë më të mëdha që kanë pasur në atë kohë. Megjithatë, ne si shqiptarë që ishim të okupuar treguam se vlejmë diçka, sidomos tregova edhe unë, se sllavët munden të na e marrin lirinë, por forcën që kemi jo. Mua m’u deshën 20 vjet që nuk janë pak, nga vitit 1977 kur bëra hapat e parë në KM Liria deri sa arrita në këtë sukses. Kushtet ku jemi stërvitur kanë qenë shumë të këqija sa vinin njerëz nga e gjithë bota për të parë se ku ka lindur ky sportist i madh. Kushtet kanë qenë të mjerueshme, katastrofale.

Lajm: Pse pikërisht mundja?
Shaban Tërstena: Ne në atë kohë s’kemi pasur sporte të tjera, atë mundje e kemi pasur nëpërmjet së cilës kemi treguar vlerat tona.

Lajm: Si kanë qenë raportet me trajnerin Mentaz Allajbegun?
Shaban Tërstena: Menatzi është mjeshtëri i sportit shqiptar. Gjithë këto merita janë për t’iu falënderuar këtij trajneri. Është mjerim tani të shohësh se ku është Mentaz Allajbegu. Pyetuni ku është ai?.

Lajm: Jeni të dëshpëruar nga situata e tanishme...?
Shaban Tërstena: Të themi se atëherë s’i kemi pas këta të drejta, po tani pas çlirimit kanë ndryshuar krejt punët. Tash për shembull s’po na i ndal neve askush mos ta përdorim flamurin, mos ta përdorim të gjithë atë që e kemi pasur të ndaluar. Por, tani ne po i ndalojmë vet.

Lajm: Si e vlerësoni sportistët e tanishëm?
Shaban Tërstena: Ne tani kemi plotë sportistë, por ata nuk munden të barazohen me sukseset e mia, ose të dikujt tjetër të asaj kohe. Tani këta sportistët munden me qenë më të reklamuar, duke ju thënë agjencive bëni kalendarë për mua etj., dallimi është sikur dielli me hënën. Ata kanë bërë reklama për së tepërmi, e ne jemi ata që kemi suksese, që kemi medalje. Nuk është e barabartë, një medalje ose dy me 18 medalje. S’po flas unë për kampionate të ish-Jugosllavisë apo një shteti, por për medaljet Evropiane, Botërore, Olimpike.

Lajm: Keni filluar te KM Liria në Shkup. Çfarë do të thotë ky klub por ju?
Shaban Tërstena: Siç është Meka për myslimanët, ashtu është Liria për mundësit. Liria është themeli i mundjes më të suksesshme. Tani s’mundet asnjë klub, çdo kund ku e kemi ne, po flas për trojet shqiptare, të barazohet me Lirinë.

Lajm: Kur filluat t’i grumbulloni medaljet e para?
Shaban Tërstena: Fillova në vitin 1977, ndërsa pas tre viteve në Stamboll unë u bëra kampion Ballkanik në kategorinë 38 kilogram. Menjëherë më vonë marr pjesë në kampionatin botëror dhe aty fitoj vendin e tretë. 1982 fillova sukseset t’i renditi. Në 48 kilogram ishte kampionati evropian në Varna të Bullgarisë, atëherë më mundësit më të mëdhenj e fitova vendin e tretë. Pas disa muajve ishte kampionati botëror në Kanada, ku sërish unë e tregova forcën time si sportist. Isha më një grup të hatashëm ku bënin pjesë kampioni Evropian që vinte nga Hungaria, dhe mundës të tjerë nga Rusia dhe Bullgaria. Kur i ke përpara kaq mundës të mëdhenj shpresat janë të vogla dhe është pak problem të mendosh te suksesi. Ai mundësi hungarez që ishte kampion i Evropës ka udhëhequr 8:2 ndaj meje, por unë në atë kohë e befasova botën duke e përmbysur komplet rezultatin dhe duke e fituar atë 18:10. Kjo ishte mrekulli ta mposhtësh një kampion kaq të madh.

Lajm: A i pate humbur shpresat në atë duel?
Shaban Tërstena: Nuk i pata humbur shpresat aspak. E mendova se mundem t’ia arrij qëllimit. Pse ishte ai kampion, pse ishte mundës kaq i madh, unë e harrova atë pjesë. Kllaudio Polo në atë vit është kampion olimpik dhe arrita ta fitoj, e fitova koreanin e kështu me radhë dhe fitova vendin e tretë, medalje të bronztë.

Lajm: Kthehesh në vendlindje, me çka shpërblehet Shaban Tërstena?

Shaban Tërstena: Si 17 vjeçar që arrita aq sukses nuk u shpërbleva me asgjë as nga Maqedonia as nga Jugosllavia. Kundërshtari është gëzuar për shkak të interesave të veta. Normal përveç asaj që kam pasur një bursë. Unë shpallem sportist i Maqedonisë në atë vit, është një sukses shumë i madh. Çka fitoj! Vetëm diploma, mirënjohje, dalje në gazeta, medalje ...

Lajm: Pastaj, cila ishte medalja e radhës?
Shaban Tërstena: Lojërat mesdhetare në Casabllanka u bëra i pari. I vetmi sportist shqiptar që u bëra i pari. Është interesant se në vitin 1982 isha 48 kilogram, ndërsa një vit më vonë ngjitem një kategori më lart në atë prej 58 kilogram.

Lajm: Kishit dikë që kujdesej për ju?
Shaban Tërstena: Shaban Tërstena nuk ka as mjek, as kontrollues, as një për qind kushte. Kjo është një forcë e madhe. Ata i kanë pasur kushtet më të mira, të barabarta me të tjerët nëpër Evropë.

Lajm: Ju ka mbajtur inati në formë...
Shaban Tërstena: Ndonjëherë mundesh të kesh inatin e madh, por kur s’ke forcë kot e ke. Duhet të kesh inat pozitiv.

Lajm: 1984-ta ishte vit Olimpik, ku i bënit stërvitjet?
Shaban Tërstena: Për çdo sportist është ëndërr të arrijë në Olimpiadë. Përgatitjet i bëja në Saraj. Aty ka qenë shtëpia ime e dytë. I vetmi sportist jam unë që nuk kam shkuar diku ka Serbia të stërvitem, që nuk kam shkuar as të jetoj, as të ushqehem atje, as të vrapoj në tokën e Serbisë. Sa shqiptari ka jetuar atje me vite e me vite, ka qëndruar nëpër gjitha kafenetë e Serbisë e këtu pas çlirimit bëhen njerëzit më të mëdhenj. Kjo është realitet. Më vjen pak keq, sepse ne jemi popull që kemi luftuar 500 vjet kundër padrejtësive. Kudo që kam shkuar askush s’ka guxuar as një shkronjë shqipe me ma përqesh. Prej krejt sportistëve, unë s’kam fituar asgjë nga shtetit ku jam sot. Një bursë e kemi pasur, tjetër asgjë. Bota jep miliona për rezultate të tilla.

Lajm: Si ju pritën në vendlindje?
Shaban Tërstena: Kur u ktheva këtu në Shkup ishte turpi më i madh i krejt Jugosllavisë. Turpi më i madh i njerëzimit. Pritje skandaloze, kanë dal vetëm 20 veta të klubit me më prit në aeroport. Shqiptari më i miri fitues i medaljes olimpike. Është e arritur shumë e madhe atë vit, sepse prej tre sportistëve te tretë (Shaban Tërstena, Shaban Sejdiu dhe Aziz Saliu) po kthehemi me medalje. Shqiptarët nuk i bëj fajtorë, sepse tash themi se politika ka qenë ashtu. Sportisti gëzohet në vendlindje. Atje në Amerikë mijëra shikues na kanë përshëndetur, por turp i madh, disa fëmijë kanë dalë e na kanë pritur tre kampionat më të mëdhenj të kombit. Unë mundem t’i falënderohem Kroacisë, e cila më dha shpërblimin më të madh siç e marrin sportistët e Kroacisë “sedam sekretara skoja”.

Lajm: Viti 1988 sërish vit Olimpik...?
Shaban Tërstena: Sërish u bashkuam në familjen olimpike, isha sërish i vetëm si sportist shqiptar. Kisha grupin më të fortë ku bënin pjesë mundës nga Rusia, Bullgaria, Turqia, Irani etj. E dinë të gjithë se në finale humba nga japonezi Sasuri si rezultat i lëndimit. Gjithashtu në këtë vit isha i treti në Evropë.

Lajm: Po viti 1990?
Shaban Tërstena: U shpalla kampion evropian në Poznan të Polonisë. Por, për shkak të dy gishtave pse i çova në shenjë të demokracisë, e humba banesën. Isha në Gjermani dhe u thash këtyre të Maqedonisë, se unë kam dëshirë me bë kontratë me juve, që ta ndërroj banesën aktuale që e kam me dy dhoma, ta bëj me tre dhoma. Arritëm kontratë. Pasi fitova vendin e parë kur u ktheva këtu në Shkup, bashkë me trajnerin, mjekun tim etj., shkuam te kryetari i qytetit të Shkupit për ta marrë vendimin e ndërrimit të banesës. Ai kryetari i atëhershëm më tha: “Atë që po e kërkon t’i tani mundesh me e marr vetëm në Shqipëri. Me atë demokraci shko atje”. E kuptova se ku është qëllimi, veç i thash s’kam nevojë unë të shkoj atje, dola i hidhëruar dhe e përplasa derën e zyrës së tij.

----------------------------------------------------------

Japonezët interesohen për Tërtsenën

Disa gazetarë japonezë kanë vizituar para një viti në Gjermani , Shaban Tërstenën duke kërkuar përgjigje për strategjinë të cilën ai e ka përdorur për ta mposhtur mundësin më të mirë të kombit japonez, Juan Takada. “S’kam pasur asnjë lloj strategjie, s’kam pasur as kushte minimale për stërvitje.

Kur kam qenë i vogël Mentaz Allajbegu më thoshte, ky është Juan Takada, kështu duhet edhe t’i të luftosh. Ai ka qenë idoli im”, thotë Tërstena. Gazetarët japonezë i thanë se Takada u hakmor pasi si trajner përgatiti Sasurin, i cili në Seul ju mposhti në finale. “Është e vërtetë se unë humba, pasi isha i lënduar. Por ju duhet ta dini se Sasuri kaloi nëpër një grup shumë të lehët, kurse unë kisha grupin më të vështirë”, u ka thënë Tërstena gazetarëve japonez.

Ndryshoje emrin do kesh pallate

“Vendlindja ime është në Shkup, afër xhamisë së Jahja Pashës. Aty pranë ishte rruga e gjithë me baltë. Një ditë po i them njërit prej këtyre kryesorëve, a ka mundësi me ma shtruar këtë rrugën pak me asfalt, se e shfrytëzoj edhe unë edhe të gjithë kalimtarët. Në hajgare ai më tha ‘s’i ta ndryshosh emrin ne të ndreqim pallate, e jo 15 metra asfalt”.


Në Athinë, himni jugosllav flamuri shqiptar

“Interesante është të përmendi se në vitin 1991 në Lojërat Mesdhetare në Athinë, pasi kisha fituar vendin e parë, kur dola të marr medaljen, grekët e lëshuan himnin e Jugosllavisë, kurse lartë ngjitej flamuri shqiptar. Sipas rregullit, unë duhej të kërceja nga shkalla, por unë qëndrova dhe isha më i lumtur se asnjëherë më parë, pasi m’u realizua një ëndërr që për nder timin të valëvitet flamuri im”, tha Tërstena.

Kush është Shaban Tërstena?

Shaban Tërstena (01.01.1965) është sportisti më i suksesshëm shqiptar, i cili ka arritur medaljen e artë në Lojërat Olimpike të vitit 1984 në Los Angeles të SHBA-ve, si dhe fitues i medaljes ë argjendtë në LO 1988 në Seul. Ai është kampion evropian i vitit 1984 dhe 1990, ka fituar medalje të argjendtë në vitin 1983, 1985, 1986 dhe të bronztë në vitin 1982 dhe 1988.

Në Kampionate Botërore ishte i argjendtë në vitin 1985 dhe 1982. Çdoherë kur ka marrë pjesë në Lojërat Mesdhetare ose Ballkanike, çdoherë ka qenë i pari. Ai është shpallur 7 herë sportist i vitit në Maqedoni dhe një herë në ish-Jugosllavi.

Në vitin 2000 ishte zgjedhur sportisti shqiptar i shekullit të kaluar dhe i Maqedonisë. Ai pasur rreth 800 ndeshje, prej tyre vetëm 28 humbje. Ka marrë pjesë në 50 turne të ndryshëm nëpër botë, duke fituar 50 medalje të arta. Në Lojërat Olimpike të vitit 1996 në Atlanta ka fituar vendin e pestë, si rezultat i padrejtësive.